لكل تميراويه

بسم الله الرحمن الرحيم
السلام عليكم وررحمه الله وبركاته
ابشرركم كتبت قصيده وحبيت انزلها في منتدى كشكوول
لكل تميراوي وتميراويه
شعرر عن تميرررر

يا ديرتي يا تمير يا اغلى من الماس

ودك مكان فـي خاطـري والتجابـه

أنتي الغلا وانتي الوفا وانتي الانفاس

أحب سهلك والجبـل مـع هضابـه

ياالله عسى مزن الحيا يرمس ارماس

برقه علـى القبلـة حقـوق ٍ سحابـه

يسقـي ديـار ٍ حبهـا مالـه قيـاس

وادي الشمالي والجنوبي مـع شعابـه

وتربـع فيـاض ٍ مـن العـام يبـاس

تلقـى زهرهـا فايـحـات ٍ عـذابـه

نفحة هواهـا كـل ماهـب نسنـاس

تشفي جروح اللي عطيـب ٍ صوابـه

يطرب لها اللي من عنا الوقت محتاس

همـه يـروح ويبتسـم لـه شبابـه

أفخر أنا ياتمير وارفع بك الـرآس

لك منـزل ٍ بالقلـب وايضـاً مهابـه

دار ٍ لهـا بالقلـب عـز ٍ ونـومـاس

جدي وابوي اللي نشـو فـي ترابـه

أهل الوفا والطيـب والعـز والبـآس

مـن بآسهـم تشبـع جيـاع الذيابـه

ربعي هل الطولات لا حميت الطآس

مثل الأسود اللي ربت وسـط غابـه

درب الكرم موروث ساس ٍ على ساس

قولة هلا للضيـف يـا مـرحبابـه

له عندنـا حشمـة وبـن ٍ بمحمـاس

نفـرح إلـى جانـا عزيـز ٍ جنابـه

يقوله اللي يبـدع القـاف باحسـاس

مثايـل ٍ مـثـل الـذهـب يعتنـابـه

والخاتمة صلوا على صفـوة النـاس

اللي ومـر بالخيـر والشـر عابـه

وان شاء الله يعجبكم واشوووف الردوود ;)